破紀錄800人選出5人！寶礦力水特2025年度廣告演員名單初公開

老編都年輕過，年輕就要造夢。有一種夢，叫星夢。曾經這種夢遙不可及，但在這全民皆星的年代，連肉類分割員都可瞬間變明星，若加上有一定造星能力的寶礦力水特加持，星夢成真的機會將更大！每年寶礦力水特推出的廣告都備受期待，今年更有破紀錄超過800人報名試鏡演出年度廣告，最後成功揀選5位主角，一起聽聽他們有何話說！

（圖片由寶礦力水特提供）

破紀錄超過800位追夢者報名

繼2024年度廣告《ありがとう青春》破天荒公開招募幕前演員合力完成觸動人心的演出之後，寶礦力水特今年再以《THE FUTURE NEEDS SWEAT》為主題招募新演員，破紀錄收到超過800人報名參與，見證寶礦力水特繼續成為青春熱血追夢的代名詞。其中5位追夢者全力投入親身面試的演技及體能測試，最終突圍而出成為2025年度廣告幕前演員。

蔡曉迪（曉迪）IG@d_icksonnnn（圖片由寶礦力水特提供）

蔡曉迪（曉迪）：「好興奮、期待，同時好緊張。因為今次係我第一次參加呢類型嘅幕前廣告拍攝，比起另外四位係更加『素』。每個人都有焦慮迷惘嘅時候，呢次拍攝之前嘅我都唔例外。希望完咗呢次廣告拍攝，回望返係一段獨一無二嘅回憶，成為支持自己未來發展嘅動力。

許日朗（日朗）IG@yatlong.0426（圖片由寶礦力水特提供）

許日朗（日朗）：「我好希望把握到今次嘅機會，喺自己嘅青春留低回憶。中選之後有種被肯定嘅感覺，亦都同自己講一定要做最好嘅準備同付出最大嘅努力，唔想留低遺憾！我拍攝靜態作品嘅經驗比較多，今次希望可以突破郁動中嘅表情管理，期望做到超水準表現，等觀眾對我哋有深刻嘅印象，呼喚出大家對青春嘅感覺。」

李嘉怡（Carmen）IG@cmeaos（圖片由寶礦力水特提供）

李嘉怡（Carmen）：「寶礦力水特承載住我小學、中學以至大學時期嘅汗水，令我記返起學生時期嘅青澀同無畏。喺今次嘅拍攝訓練，就好似以前校隊練習咁樣，一班人一齊練習、互相加油，共同揮灑汗水嘅熱血。可以同寶礦力水特一齊記錄並把握當下嘅青春，我非常感動。

顏俐（Lily）IG@nganlli._（圖片由寶礦力水特提供）

顏俐（Lily）：「期望展現到自己最好嘅一面，用正能量感染觀眾，同時希望詮釋到今次廣告嘅意義。希望自己放膽去展現笑容。今次係我第一次有大動作畫面嘅拍攝，希望可以更加放開去做，唔好驚，令畫面更加有力量。」

阮柏喬（柏喬）IG@ypk_asenzio（圖片由寶礦力水特提供）

阮柏喬（柏喬）：「Casting 嗰陣有某兩個體能測試挑戰自覺做得唔係咁好，一直都怕會錯過呢次為青春熱血一次嘅機會。依家有幸獲得呢個機會，冷靜過後我就同自己講一定要付出200%努力，唔好辜負大家對我嘅期望。希望鏡頭下嘅我表現到寶礦力水特一直以來強調嘅春青活力感覺。今次動作場口算係我嘅一大突破，咁大個仔都未試過吊威也，希望可以表現到動作嘅流暢感同專業性。」

赴東京接受體能特訓

5位幕前演員上月赴東京展開廣告前期工作，接受拍攝相關的演技及體能訓練，並準備於3月上旬開鏡拍攝由日本製作圑隊主理的年度廣告，以2025年主題「THE FUTURE NEEDS SWEAT」作號召，讓我們拭目以待！