港式精釀走入便利店！少爺啤「經典淡愛爾」大罐裝$18登場

本地手工啤酒先驅少爺啤自2013年創立以來，以大膽創新嘅精神打造出糅合本地文化嘅世界級精釀。其中皇牌酒款「經典淡愛爾」多年來深受港人愛戴，更喺多項國際及本地啤酒比賽中屢獲殊榮。由即日起，呢款經典之作以全新500毫升大罐裝強勢登陸全線7-Eleven便利店，$18驚喜試飲價等你隨時隨地都可以歎盡世界級精釀！

（圖片由少爺啤提供）

花香細膩 清爽輕盈

少爺啤「經典淡愛爾」酒精濃度5.0%，適中嘅度數加上清爽輕盈嘅口感，吸引到各類啤酒愛好者。釀酒師嚴格挑選麥芽與啤酒花，營造出完美平衡：紮實嘅麥芽基底帶來乾淨細膩嘅餅乾同輕微焦糖香氣，而啤酒花乾投則充分釋放美國西岸頂級啤酒花嘅魅力，釋放出濃郁嘅西柚、熱帶果香同優雅花香。入口清新活潑，苦韻平衡，收口乾爽俐落，餘韻悠長。加上特強氣泡感，令口感更精緻順滑，充分呈現天然爽口滋味！

（圖片由少爺啤提供）

配餐百搭 時刻相伴

「經典淡愛爾」嘅另一個賣點，係佢無與倫比嘅配餐百搭性。麥芽嘅溫潤甜感，配上啤酒花嘅豐富果香花香，唔會搶走食物風味之餘，反而能夠輕鬆襯托各種菜餚。無論係佐酒小食，定係為香肉去油解膩，都可以完美融合，提升成個饗宴體驗。

（圖片由少爺啤提供）

由即日起，少爺啤「經典淡愛爾」喺全線7-Eleven便利店上市，每罐500毫升只係$18。快啲約埋三五知己，一齊歎盡美酒，分享快樂！